|
|
Սիրելի ընկերներ.
Այս նամակով դիմում եմ ձեզ, վախենալով, որ բաց կթողնեք ձեր կյանքում ինչ-որ կարևոր մի բան: Բաց կթողնեք, որովհետև ոչինչ չգիտեիք այդ մասին: Ինչի՞ մասին է խոսքը: Իհարկե դուդուկի… Դուդուկի մասին պատկերացում կազմելու համար` հարկավոր է նրան գոնե մեկ անգամ լսել: Իսկ լսելով՝ ցանկություն է առաջանում պատմելու բոլորին, որ դուդուկը սարերի երգն է կամ ծառերի զրույցը, ծերերի լացը կամ երեխաների ուրախությունը, մարտիկների կռիվը կամ հարսանեկան խնջույքը… Լսեք, և այդ ժամանակ կհասկանաք դուդուկի էությունը: Ես ծնվել եմ Հայաստանում և ապրում եմ արդեն յոթանասուն տարուց ավել: Ունեցել եմ ծանր մանկություն. վաղ հասակում կորցրել եմ ծնողներիս և ապրել մանկատանը: Առաջին անգամ դուդուկն իմ ձեռքում բռնել եմ վեց տարեկան հասակում: Չունենալով երաժշտական կրթություն` ես նվագել ինքս եմ սովորել` լսելով վարպետների գործերը և իմ սրտի կանչը: Ողջ կյանքումս ինձ բախտ է վիճակվել նվագել ռեստորաններում և Բոլշոյ թատրոնում, նվագակցել և դասավանդել կոնսերվատորիայում, նվագել սրտանց ընկերներիս և բարեկամներիս համար և հանդես գալ մենահամերգներով աշխարհի մեծ համերգասրահներում: Կարծում եմ ամեն ինչ արել եմ, որ դուդուկը ճանաչվի ամբողջ աշխարհում, մարդիկ սիրեն դուդուկը և զգան նրա թախիծը: Բայց զգում եմ, որ կա անավարտ մի բան: Շատ եմ ցանկանում հիմնել իմ դպրոցը: Առաջին հերթին այդ դպրոցում սովորելու են որբ երեխաները: Նրանց մեջ, անկասկած, կգտնվեն տաղանդավոր երեխաներ: Ուրախ կլինեմ, եթե իմ գործը շարունակողներ լինեն: Թող մեր Մեծն վարպետների` դուդուկահարներ Վաչեի, Լևոնի, Կարոյի, Մարգարի և Ջիվանի անավարտ գործերը նրանք հասցնեն իրենց ավարտին: Նաև ցանկանում եմ իմ ոգին, ներշնչանքը և հմտությունը կտակել մարդկանց, որ նրանք կարողանան այն շոշափել իրենց ձեռքերում և նվիրել իրենց երեխաներին, թոռնիկներին կամ բարեկամներին: Ես, իհարկե, շատ ձայնագրություններ ունեմ, սակայն դա չէ իմ պատկերացումը: «Շարմ» ընկերության իմ ընկերներն ինձ առաջարկեցին իրենց մտահղացումը… Մենք հանրահայտ վարպետներին խնդրեցինք պատրաստել դուդուկներ, որոնց անձամբ լարեցի ես՝ հաղորդելով նրանց իմ շունչը: Այդ դուդուկներից ընդամենը 1000 օրինակ է, և նրանցից յուրաքանչյուրում կա իմ ոգու մի մասնիկը: Դուք, անշուշտ, կզգաք իմ սերը` ձեր ձեռքերում բռնելով այդ հնչեղ դուդուկը: Ի դեպ, «Շարմ» ընկերությունում ինձ հուշեցին այդ դուդուկների «շքերթը», ընթացող ամբողջ աշխարհով, ուղեկցել բացատրական նյութերով: Այսպիսով ծնվեց «Հայկական դուդուկ Ջիվան Գասպարյանի կողմից» հավաքածուի գաղափարը: Հավաքածուի մեջ ներառված են` բուկլետ, որը պատմում է այս հինավուրց գործիքի ստեղծման պատմության և լեգենդների մասին, մեկ լազերային ձայնասկավառակ, որտեղ ներառված են հայտնի դուդուկահարների կատարումները և ժամանակակից երաժիշտների էթնիկ ջազ ոճով գրված ստեղծագործությունները, մեկ լազերային տեսաերիզ, որտեղ տեսագրված է չորս լեզուներով թարգմանված ֆիլմ դուդուկի մասին և «Մշո Գորանի» շատ գեղեցիկ երաժշտական տեսահոլովակը: Վերադառնալով իմ կյանքի ամենամեծ երազանքին՝ դուդուկի դպրոցի ստեղծմանը, ասեմ, որ այս հավաքածուի վաճառքից ստացված հասույթի մի մասը տրամադրվելու է այդ դպրոցի կառուցմանը: Երբ այն կկառուցեմ և դասասենյակում կտեսնեմ վեց տարեկան փոքրիկին դոդուկը ձեռքին, կլսեմ նրա կատարմամբ առաջին հնչյունները, ապա այդ ժամանակ կասեմ. «Հիմա ես արել եմ այն, ինչ ցանկացել և կարողացել եմ»:  Ջիվան Գասպարյան
Դուք հա՞յ եք.Ուրեմն դուդուկը Ձեր սիրտն է և հոգին, ուրախությունն ու տխրությունը, երջանկությունն ու ցավը, հույսերն ու հուշերը… Դուք հա՞յ չեք.Ուրեմն Ձեզ համար դուդուկը «Բլաք ռոկ» է Մայքլ Բրուքի, «Սիսթեր քաոս» Բորիս Գրեբենշիկովի, Պիտեր Գաբրիելի և Ջիվան Գասպարյանի կատարմամբ, ինչպես նաև ոգեղեն երաժըշտություն ներկայացված «Քրիստոսի վերջին գայթակղությունը», «Սեյջ», «Գլադիատոր», «Ռուսական օջախ», «Օնեգին», «Ագռավը», «Օրացույց», «Բժիշկ Ժիվագոն», «Որմնանկարներ» և այլ ֆիլմերում: Բացի այդ, այս գործիքը Ձեզ մոտեցնում է հայոց հոգուն և սրտին, մարդկային ուրախություններին և տխրություններին, ցավին և երջանկությանը, հույսերին և հուշերին: Բոլորին է հայտնի, որ դուդուկը հայկական ազգային գործիք է յուրահատուկ և անկրկնելի հնչեղությամբ: Սակայն այսօր դուդուկը դուրս է եկել սահմաններից. նրա կախարդական ձայներն հնչում են ոչ միայն ազգային, այլև սիմֆոնիկ, ջազ և ռոկ երաժշտությունում: Դուդուկի մասին լիովին պատկերացում կազմելու համար` հարկավոր է գոնե մեկ անգամ լսել այն: Իսկ լսելուց հետո` բոլորին պատմելու ցանկություն է առաջանում դուդուկից ծնված երաժշտության մասին քանի որ այն սարերի երգն է կամ ծառերի զրույցը, ծերերի լացը կամ երեխաների զվարճանքը, մարտիկների պայքարը կամ հարսանյաց խնջույքը… Պարզապես լսեք, և միայն այդ ժամանակ ինքներդ կհասկանաք` ինչ է իրենից ներկայացնում դուդուկը: Երբ կհասկանաք, այդ դեպքում կցանկանաք ավելին իմանալ վերջինիս մասին, նաև կկամենաք բռնել այն ձեր ձեռքում:
Հիմա դուք ունեք նման հնարավորություն.
մեկը հազարից
Երաժշտական գործիքի արժեքը մեծապես կախված է ստեղծողից: Հռչակավոր վարպետների անունները պակաս հայտնի չեն, քան ճանաչված դուդուկահարներինը: Դեռ ավելին, գլուխգործոցներից շատերը, ստեղծված մեծ վարպետների կողմից, ինչպես և թանկարժեք ադամանդները, բացի անվանումներից, ունեն իրենց հետաքրքիր պատմությունը: Դուդուկը, որը ներառված է «ՀԱՅԿԱԿԱՆ ԴՈՒԴՈՒԿ Ջիվան Գասպարյանի կողմից» հավաքածուի մեջ, համարվում է 1000 օրինակից արտադրված բացառիկ դուդուկներից մեկը: Այս գործիքը պատրաստված է հայտնի հայ վարպետների կողմից, որոնց գործերն անկրկնելի են, ինչպես իտալացի վարպետների ջութակները, որոնցից յուրաքանչյուրն ուներ ստեղծման յուրօրինակ գաղտնիք: Այս դուդուկը պատրաստված է 30-40 տարեկան վայրի ծիրանենու բնափայտից, ընդ որում ծառի միայն այն մասը, որ գտնվում է կեղևի և բնի միջուկի միջև: Դուդուկը լարել է վարպետ Ջիվան Գասպարյանը, վերջինիս վրա ամրացված ոսկե սկավառակի վրա դրոշմված են վարպետի ինքնագիրը և սերիական համարը, որպես որակի հաստատման նշան: Այս գործիքն իր մեջ պահպանում է Վարպետի շունչը: Դուք ամեն անգամ կզգաք այն՝ դուդուկի հնչյունները լսելիս:
Լեգենդ դուդուկի մասին – Դե ինչ, մնա': Սակայն այսուհետ դու երբեք չես կարողանա թռչել: Փոքրիկ Երջանիկ Քամին ուզում է ծալել իր թևերը, բայց տիրակալը կանգնեցնում է նրան. – Ո'չ, դա շատ դյուրին է: Թևերը կմնան քեզ: Ցանկացած ժամանակ դու կկարողանաս թռչել, սակայն հենց այդպես վարվես, ծառը կմահանա: Երիտասարդ Քամին քաջալերվում է, քանի որ և թևերն են մնում իրեն, և ինքը՝ իր ծառի մոտ: Ամեն ինչ լավ կլիներ, սակայն, երբ եկավ աշունը, ծառը մերկացավ, կորցրեց ծաղիկներն ու տերևները: Երիտասարդ Քամին թախծեց, քանի որ զվարճանքի միջոց չուներ: Շուրջ բոլորը պարում էին նրա եղբայրները` պոկելով մոտակա ծառերի վերջին տերևները: Լեռները լցնելով հաղթական ոռնոցով` նրանք Երիտասարդ Քամուն շուրջպարի էին կանչում: Եվ մի անգամ, չկարողանալով դիմակայել, նա միացավ նրանց: Հենց այդ պահին ծառը մահացավ: Եվ միայն մի փոքրիկ ճյուղ մնաց՝ իր մեջ քամու մի մասնիկ պահած: Ժամանակ է անցնում, և մի տղա, ցախ հավաքելիս, գտնում է ճյուղը և դուդուկ սարքում, որը, շուրթերին մոտեցնելիս, ինքն իրեն հրաժեշտի տխուր մեղեդի էր նվագում: Սիրո մեջ կարևորը ոչ թե բաղձանքից մեկընդմիշտ հրաժարվելն է, երբ չես կարող ստանալ ցանկալին, այլ, կարողություն ունենալով, ցանկալիից հրաժարվելու ունակությունն է: Մենք պատմեցինք դուդուկի և ծիրանենու մասին բազմաթիվ լեգենդներից մեկը: Եվս մի լեգենդ վարպետ Ջիվանի մեկնաբանությամբ կլսեք Ձեր սկավառակի վրա: Ծիրանափող
Ժամանակակից վարպետները դուդուկը պատրաստում են միայն ծիրանենու բնափայտից: Ի միջի այլոց, այն լատիներեն անվանում են ARMENIACA: Դուդուկը տիպիկ հայկական գործիք է` պատրաստված հայկական ծառից: Աղոթք Պատահական չէ, որ դուդուկով կատարվող երաժշտությունը անվանում են հայկական աղոթք: Արվեստների համադրություն
Ձեզ ընձեռվում է աննախադեպ հնարավորություն` բավականություն ստանալու հայտնի վարպետների կողմից զարմանահրաշ գործիքով կատարվող հիասքանչ երաժշտությունից: Լազերային ձայնասկավառակ
Տեսաերիզ
 Դուք որոշել եք գնե՞լ մեր հավաքածուն: Շնորհավորու՜մ ենք: Ժամանակի ընթացքում գլուխգործոցների կենսագրությունում նրանց ստեղծողների անունների կողքին կհայտնվեն նաև տերերի անունները, այսինքն` ձեռք բերելով «Հայկական դուդուկ» հավաքածուն` դուք դառնում եք արվեստաբանների ակումբի անդամ` ամրագրելով Ձեր անունը Դուդուկի պատմության մեջ: Ինչպես արվեստի ցանկացած ստեղծագործություն, այնպես էլ այս գործիքը ժամանակի ընթացքում արժեվորվում է: «Հայկական դուդուկ» հավաքածուն պատրաստված է համաձայն հին հայկական ավանդույթների, որը Ձեզ հնարավորություն կընձեռի դառնալու դուդուկի վաղնջական լեգենդի մի մասը, քանզի այն մեր սրտի երգն է: Ջիվան Գասպարյանի դուդուկը ձեռք բերողները կստանան «Շարմ Հոլդինգ» ընկերության կողմից կազմակերպվող “Վարպետի վերջին համերգը” շարքի բոլոր համարգների հրավիրատոմսերը, որոնք տեղի կունենան 2007թ. Հայաստանում, Ռուսաստանում, ԱՄՆ-ում և Եվրոպայի մի շարք երկրներում: Տեղեկությունների համար զանգահարեք հետևյալ հեռախոսահամարներով՝ (374 91) 42 57 22 (Երևան); |
||||||||||
| Copyright © "ՇԱՐՄ ՀՈԼԴԻՆԳ". Բոլոր իրավունքները պաշտպանված են: |
Ձեր ուշադրությանն ենք ներկայացնում «Հայկական դուդուկ Ջիվան Գասպարյանի կողմից» յուրօրինակ հավաքածուն:
; "Սեղմեք ավելի մեծ նայելու համար")
; "Սեղմեք ավելի մեծ նայելու համար")
; "Սեղմեք ավելի մեծ նայելու համար")
Օրերից մի օր լեռների վրայով թռչելիս՝ Երիտասարդ Քամին մի հիասքանչ ծառ է տեսնում, որին երբևիցե չէր հանդիպել: Նա հրապուրվում է: Հպվելով ծառի նուրբ ծաղիկների թերթերին, թեթևակի դիպչելով տերևների եզրերին` քամին զարմանահրաշ մեղեդիներ է ստեղծում, որոնց հնչյունները սփռվում են շուրջ բոլորը: Երբ Գերագույն Քամուն հայտնում են այդ մասին, նա զայրանում է սարերի վրա` ոչնչացնելով գրեթե ողջ բուսականությունը: Երիտասարդ Քամին, թևերը փռելով իր ծառի վրա, ամեն գնով փորձում է փրկել նրան: Դեռ ավելին, հայտարարում է, որ հանուն նրա պատրաստ է ցանկացած զոհողության: Եվ այդժամ Քամիների Տիրակալն ասում է. 
Դուդուկի վաղնջական հայկական անվանումն է ծիրանափող: Նախկինում այն պատրաստվում էր միակտոր բամբուկից: Նրան միացված կարճ փողածայրոցը` պիպիչը, պատրաստվում է Հայաստանի ընդամենը մի քանի մարզում աճող բամբուկի հատուկ տեսակից, ինչի շնորհիվ գործիքը ձեռք է բերում յուրահատուկ հնչողություն: Պիպիչը հնամենի ծիրանափողից ժամանակակից դուդուկում պահպանված միակ մասն է: Իր այժմյան տեսքը գործիքը ստացել է XIII դարում:
Մենք ի զորու չենք լսելու, թե ինչպես էր հնչում հնամյա բամբուկե ծիրանափողը: Սակայն այսօր մենք կարող ենք վայելել դուդուկի հնչողությունը այնպիսի ժամանակակից վարպետների կատարմամբ, ինչպիսիք են Մարգար Մարգարյանը, Լևոն Մադոյանը, Վաչե Հովսեփյանը և այլոք: Նրանցից յուրաքանչյուրն ունի կատարման իր անհատական ոճը, սակայն բոլորին միավորում է ազգային երաժշտության ոգին վարպետորեն փոխանցելու կարողությունը: Այս երաժշտությունը դարեր է ապրել` հասցնելով մեզ զգացմունքների բոլոր ելևէջները՝ վշտից ու թախիծից մինչև բերկրանք և ցնծություն: Այս ապրումներով են լի հոգեթով հայկական երգերը` «Դլե յաման», «Սիրեցի, յարս տարան», «Քանի վուր ջան իմ»…